تسهيلات جديدة بشأن تجديد رخص القيادة

تسهيلات جديدة بشأن تجديد رخص القيادة

اعلنت وزارة الداخلية الكويتية، عن السماح، بتجديد رخص السوق الكترونياً (أون لاين) .
وخطوات تجديد رخصة القيادة اونلاين بالكويت وهم 3 خطوات، وجاءت كالاتي :

1- إنشاء حساب (في حالة إن معندكش حساب بالفعل، لو عندك بتستخدم نفس الحساب القديم).
2- تجديد الرخصة على السيستم.
3- استلام الرخصة.

⁦1 -⁩ التسجيل :

▪⁩ إما فى موقع الوزارة https://edl.moi.gov.kw.
أو على ابلكيشن الوزارة على الموبيل.
الموقع والابلكيشن واحد في عمل الحساب.
⁦▪⁩ من خلال تسجيلك تظهر لك كل بياناتك، الالتحاق بعائل كالزوجه والأولاد وتاريخ انتهاء إقامتهم، مخالفاتك، كل شئ مرتبط ببعضه.
⁦▪⁩ عندما يطلب منك رقم المرجع تجده في أي ستيكر إقامة في الجواز، فوق الاسم اللاتيني على الشمال (شوف أول تعليق).
برضو من صفحة المخالفات هتلاقيه قدام اسمك.

⁦2 – خطوات التجديد :
⁦▪⁩ مبدأياً لازم تشيك على مخالفاتك ولو عليك حاجة لازم تدفعها
⁦▪⁩ مفيش اعتماد توقيع ولا محتاج توقع أي ورق من الكفيل أو الشركة.
⁦▪⁩ هتدخل على الخدمات الإلكترونية، وبعدين المرور، وتجديد الرخصة، وهتظهرلك رخصتك وميعادها.
⁦▪⁩ المطلوب فى التجديد هو خانتين فقط:
– أول خانة صورة المدنية، ممكن تعملها الوشين وتدمجهم مع بعض في صورة واحدة، أو الوش فقط.
– خانة للتوقيع، بتظهرلك مكان توقع فيه على الشاشة بالماوس.
أو لو بتجدد بالموبيل بتوقع بإيدك عادي على الشاشة.
هتخلص وتدوس موافق.
– لو طلب منك رفع صورة جديدة يبقى هتعمل سكان لصورة حجمها مايكونش أكبر من 250kb.
وتكون بخلفية زرقا، ولو كنت متصور بنضارة في القديمة لازم ترفع صورة برضو بالنضارة.
– لو طلبك تمام ومافيهوش مشاكل هيحولك لخانة الدفع بالكي نت، لو في حاجة هيقولك طلبك تحت المراجعة ويقولك ايه المطلوب.
⁦▪⁩ الرسوم بتكون على حسب نوع رخصتك، العامة غير الخاصة غير الدراجه النارية.
بس هى دينار عن السنة للرخصة الخاصة، و5 دينار على الدراجات النارية.
⁦⁦
⁦3 – استلام الرخصة:
⁦▪⁩ لما تتقبل منك المعاملة هتروح على طول لماكينة في أحد المواقع دي:
– الأڤنيوز فى الجراند أڤنيوز، أخر المجمع بجوار معرض مرسيدس.
– مجمع الكوت بالفحيحيل.
– أحد إدارات المرور.

⁦▪⁩ هتدخل البطاقة المدنية في الجهاز، وهتطلب منك اسم المستخدم والباسورد.
وخلى بالك من الحروف الـ CAPITAL والـ small، ولو دخلت الاسم او الباسورد غلط 3 مرات هتتحظر وقصة بقى.
في سهم للأعلى بدل Shift فى كيبورد الكمبيوتر، تضغط على السهم وانت بتضغط على الحرف علشان يكتبلك الحرف Capital
⁦▪⁩ هتدخل بعد كدة رخصتك القديمة، هيسحبها الجهاز، وهتظهرلك شاشة وتتأكد من بياناتك الأول، وتضغط موافق للطباعة لو كله تمام، هتنتظر حاجة بسيطة وتستلم إن شاء الله.
* الخدمة الأن متوفرة فقط للتجديد، المرحلة الجاية هيكون فيها إصدار أول مرة وبدل الفاقد.
* تقدر تجدد قبل موعد انتهاء الرخصة بشهر فقط.
* لو إقامتك فيها أكتر من سنة تقدر تجدد الرخصة سنتين.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق